86- Яҳё ибн Саъийд Саъийд ибн Мусаййибдан ривоят қилади: бир киши: Намоз ўқиётганимда намлик сезаман шунда ўгирилиб кетайми (намоздан), деб сўради. Саъийд унга шундай деди: Агар сонимга оқса ҳам, намозимни адо этмагунча ўгирилмас эдим.
87- Солт ибн Зуяйддан ривоят қилинади: “Сулаймон ибн Ясордан сезадиган намлигим ҳақида сўрадим” деди, У “киймингнинг (изор) ичига сув сеп (қуй) ва унга эътибор берма”деди.
88- Муҳаммад ибн Амр ибн Ҳазмдан ривоят қилинади: У киши Урва ибн Зубайрнинг шундай деганларини эшитган экан: Марвон ибн Ҳакамнинг олдига кирдим ва таҳоратни нималар вожиб қилишини эсладик. Шунда Марвон ибн Ҳакам деди: Бусра бинт Софван менга Расулуллоҳ соллаллоҳу алайҳи васалламдан шудай деганларини эшитдим деди: Агар сизлардан бирингиз закарини ушласа таҳорат қилсин.
89- Мусъаб ибн Саъд ибн абу Ваққосдан шундай дегани ривоят қилинади: Саъд ибн абу Ваққосга мусҳаф ушлаб турардим, шунда қашиндим. Саъд шундай деди: Мабодо закаринга тегмадингми? У Ҳа дедим, деди. У (саъд) шундай деди: тур, таҳорат қил. Туриб таҳорат қилиб келдим.
90- Нофеъдан ривоят қилинади: Абдуллоҳ ибн Умар шундай дердилар: Агар сизлардан бирингиз закарини ушаса унга таҳорат вожиб бўлди.деди.
91- Ҳишом ибн Урва оталаридан шундай деганларини ривоят қилади: ким закарини ушаса бас унга таҳорат вожиб бўлди.
92- Салим ибн Абдуллоҳдан ривоят қилинади: Мен отам Абдуллоҳ ибн Умарнинг ғусл қилиб сўнг таҳорат қилганларини кўрдим. Унга шундай дедим: Эй отажон, ғусл таҳоратнинг ўрнига ўтмайдими. У киши шундай дедилар: Ўтади, лекин мен базан закаримга тегаман шунинг учун таҳорат қиламан. 93- Салим ибн Абдуллоҳдан ривоят қилинади: Мен Абдуллоҳ ибн Умар билан сафарда бирга эдим. Қуёш чиққандан кейин у киши таҳорат қилиб намоз ўқиганларини кўриб у кишига шундай дедим: Бу намозни ўқимас эдингизку? У киши шундай деди: Бомдод намозига таҳорат қилганимдан сўнг фаржимга тегганимдан сўнг таҳорат қилишни унитибман, энди таҳорат қилиб намозимга қайтадан ўқидим.
|