Ибни Аббос розияллоҳу анҳумодан ривоят қилинади:
“Пайғамбар соллаллоҳу алайҳи васаллам икки қабр ёнидан ўтдилар ва:
“Албатта, икковлари азобланмоқдалар. Икковлари катта нарсада азобланмаяптилар. Улардан бири сийдигидан сақланмас эди. Бошқаси бўлса, чақимчилик қилиб юрар эди” , дедилар. Сўнгра бир ҳўл шохни олиб, иккига айирдилар ва ҳар бир қабрга биттадан суқиб қўйдилар. Одамлар:
“Эй Аллоҳнинг Расули, буни нима учун қилдингиз?” дейишди. У зот соллаллоҳу алайҳи васаллам:
“Шоядки, булар қуригунча икковларидан (азоб) енгиллатилса”, дедилар.
Ҳаннод »  «يَسْتَنْزِهُ нинг ўрнига « يَسْتَتِرُ » ни айтган.

Ибни Аббос розияллоҳу анҳумодан ривоят қилинади:
“Набий (с.а.в) шу маънода:
“Сийдигидан тўсилмас эди”, дедилар. Абу Муовия:
“Сийдигидан сақланмас эди”, деган.

Абдурроҳман ибни Ҳасанадан ривоят қилинади. У киши шундай деди:
“Амр ибн Осс розияллоҳу анҳу билан бирга мен Набий (с.а.в) га йўлиқдик. У зот  (с.а.в) ўзлари билан бирга қалқон олиб чиқдилар. Сўнгра уни тўсиқ қилиб бавл қилдилар. Биз:
“У кишига қаранглар, ҳудди аёл кишидек бавл қилмоқдалар”, дедик. У зот (с.а.в) буни эшитдилар ва:
“Бани Исроил соҳиби нимага йўлиқганини билмайсизларми? Агар уларга сийдик тегса, шу сийдик теккан жойни кесиб ташлашарди. Уларни бундан (яъни сийдик тегишидан) қайтарди. (Бундан сақланмагани) бас қабрида азобланди”.
Абу Довуд:
“Мансур Абу Воилдан, у Абу Мусо розияллоҳу анҳудан ушбу ҳадисни ривоят қилган ва:
“Улардан бирининг терисига”, деган. Осим Абу Воилдан, у  Абу Мусо розияллоҳу анҳудан ривоят қилганида:
“Улардан бирининг жасадига”, деган.