350 (1318) 3172. Жобир розияллоҳу анҳудан ривоят қилинади: «Расулуллоҳ соллаллоҳу алайҳи васаллам билан ҳудайбия йили туяни етти киши номидан, молни етти киши номидан сўйдик».
351 (000) 3173. Жобир розияллоҳу анҳудан ривоят қилинади: «Расулуллоҳ соллаллоҳу алайҳи васаллам билан ҳаж нияти ила эҳром боғлаб чиқдик. Бас, у зот бизни туя ва молда шерик бўлишга амр қилдилар. Ҳар бир катта қурбонликка етти кишидан». (Изоҳ: Биз катта қурбонлик деб таржима қилган ибора арабчада «бадана» дейилиб, туя ва молни англатади).
352 (000) 3174. Жобир ибн Абдуллоҳ розияллоҳу анҳудан ривоят қилинади: «Расулуллоҳ соллаллоҳу алайҳи васаллам билан ҳаж қилдик. Бас, туяни етти киши номидан ва молни етти киши номидан қурбонлик қилдик».
353 (000) 3175. Жобир ибн Абдуллоҳ розияллоҳу анҳудан ривоят қилинади: «Расулуллоҳ соллаллоҳу алайҳи васаллам билан ҳаж ва умрада ҳар бир етти кишида катта қурбонликда шерик бўлдик. Бир киши Жобирга: “Катта қурбонликда шерик бўлган туяда ҳам шерик бўладими?” деганида, Жобир розияллоҳу анҳу: “Туя ҳам катта сўйишдир”, дедилар. Жобир Ҳудайбияда ҳозир бўлиб: “Ана шу куни етмиш катта қурбонлик сўйдик. Ҳар бир етти киши бир катта сўйиш сўйдик”, дедилар.
354 (000) 3176. Абу Зубайр Жобир ибн Абдуллоҳнинг Набий соллаллоҳу алайҳи васалламнинг ҳажлари ҳақида айтганларини хабар берадилар. “Эҳромдан чиқганимизда Расулуллоҳ соллаллоҳу алайҳи васаллам қурбонлик қилишга буюрдилар. Биздан бир қанча кишилар қурбонликда тўпланишди. Мана шу иш ушбу ҳадисда, уларни ҳаждан эҳромдан чиқишга буюрган пайтларида бўлган”.
335 (000) 3177. Жобир ибн Абдуллоҳ розияллоҳу анҳудан ривоят қилинади: “Расулуллоҳ соллаллоҳу алайҳи васаллам билан бирга умра қилганимизда ҳар-бир етти киши номидан етти мол сўйиб, унда шерик бўлар эдик”.
356 (1319) 3178. Жобир розияллоҳу анҳудан ривоят қилинади: “Расулуллоҳ соллаллоҳу алайҳи васаллам наҳр куни Оиша номидан бир мол сўйдилар”.
357 (000) 3179. Жобир ибн Абдуллоҳ розияллоҳу анҳудан ривоят қилинади: “Расулуллоҳ соллаллоҳу алайҳи васаллам хотинлари номидан қурбонлик сўйдилар”. Ибн Бакрнинг ҳадисида: “Ҳажларида Оишанинг номидан бир мол сўйдилар”, бўлиб келган.
|