266 (1280) 3076. Усома ибн Зайддан ривоят қилинади:
“Мен арафотда Расулуллоҳ соллаллоҳу алайҳи васалламга мингашиб олдим. Қачонки, Расулуллоҳ соллаллоҳу алайҳи васаллам муздалифа пастидаги чап дарага етганларида, уловларини чўктириб, бавл қилдилар. Сўнгра келдилар. Бас мен у зотга сув қуйиб бердим. У зот енгилгина таҳорат олдилар. Сўнгра: “Намоз! эй Аллоҳнинг расули”, дедим. У зот: “Намоз олдинда, дедиларда, у зот уловларига миниб ҳатто муздалифага келдилар. У ерда намоз ўқидилар. Кейин Фазл (Муздалифада) тонгда жамланилганида Расулуллоҳ соллаллоҳу алайҳи васалламга мингашдилар”.
Фазлдан ривоят қилинади:
Расулуллоҳ соллаллоҳу алайҳи васаллам то Жамра (тош отадиган)га келгунларича талбия айтишда бардавом бўлар эдилар.

267 (000) 3077. Ибн Аббос хабар қиладилар:
“Набий соллаллоҳу алайҳи васаллам Фазлни (муздалифада) жам бўлинганида мингаштириб олдилар. Фазл хабар беришларича, Набий соллаллоҳу алайҳи васаллам ақобада тош отгунча талбия айтишда бардавом бўлардилар.

268 (1282) 3078. Фазл ибн Аббосдан ривоят қилинади:
“Бу зот Расулуллоҳ соллаллоҳу алайҳи васаллам билан мингашиб олгандилар. Расулуллоҳ соллаллоҳу алайҳи васаллам Арафотда кечки пайт, (Муздалифада) тўпланишдаги тонгда одамлар уловларини тез ҳайдашганида: “Ўзингизга сукунатни лозим тутинглар”, деб, туяларини тез юришдан тўхтатдилар. Ҳатто Минодаликларида муҳассар водийсига кирдилар. Ва: “Жамрада отадиган тошларини лозим топинглар”, дедилар.
Расулуллоҳ соллаллоҳу алайҳи васаллам то ақобада тош отгунча талбия айтишда бардавом бўлдилар.
Бу ерда юқоридаги ҳадис такрор келган. “Расулуллоҳ соллаллоҳу алайҳи васаллам то ақобада тош отгунча талбия айтишда бардавом бўлдилар” сўзи зикр қилинмаган. Лекин унда: “Набий соллаллоҳу алайҳи васаллам инсон тош отаётгандек қўллари билан ишора қилдилар”, сўзи зиёда қилинган.

269 (1283) 3079. Абдуллоҳ айтдилар.
“Бизлар (муздалифадаги) тўпланганимизда, Бақара сураси нозил бўлган мана шу мақомда “Лаббайкаллоҳумма лаббайк”, деб айтганларини эшитдим”.

270 (000) 3080. Абдурроҳман ибн Язиддан ривоят қилинади:
“Абдуллоҳ (ибн Масъуд) муздалифадаги тўпланишдан тушгач талбия айтдилар. Одамлар томонидан “Бу аъробийми?” деб айтилди. Шунда Абдуллоҳ: “Одамлар унутишдими ёки адашишмоқдами? Бақара сураси нозил бўлган бу маконда “Лаббайкаллоҳумма лаббайк”ни эшитдим”, дедилар”.

000 (000) 3081. Бу ерда юқоридаги ҳадис такрор келган.

271 (000) 3082. Абдурроҳман ибн Язийд ва Асвад ибн Язийддан ривоят қилинади:
“Биз Абдуллоҳ ибн Масъуддан эшитдик у зот муздалифадаги тўпланишда: “Бақара сураси нозил бўлган мана шу ерда “Лаббайкаллоҳумма лаббайк”, деб айтганларини эшитдим”, дедилар. Сўнгра у зот талбия айтдилар биз ҳам у зот билан бирга талбия айтдик.