25 (1187) 2810. Убайд ибн Журайж розияллоҳу анҳудан ривоят қилинади:
Бу киши Абдуллоҳ ибн Умар розияллоҳу анҳуга: "Эй Абу Абдураҳмон яъни, Ибн Умар! Сиз тўрт нарсани бажараётганингизни кўрмоқдаман. Аммо асҳобларингиздан бирор кишини бундай қилаётганини кўрмаяпман?" деганларида, Ибн Умар: "Эй Ибн Журайж у нарсалар нима?" дедилар. Ибн Журайж: "Устунларда фақат икки ямоний (яъни, ҳажарул асваднинг икки ёнидаги) устунни ушлаганингизни кўраман. Яна туки йўқ бўлган теридан ишланган "сибтийя" кавушини кийганингизни кўраман. Ва яна сариқ ранг бўяб олганингизни кўраман. Ва яна Маккада бўлсангиз одамлар ойни кўришганда эҳром боғлашса, сиз эса тарвия куни бўлгунича эҳром боғламайсиз", деди. Шунда Абдуллоҳ ибн Умар розияллоҳу анҳу: "Энди устун ҳақида гапирадиган бўлсам, мен Расулуллоҳ соллаллоҳу алайҳи васалламни фақат икки ямоний устунни ушлаб, истилом қилганларини кўрганман. Сибтийя кавуши ҳақида гапирадиган бўлсам, мен Расулуллоҳ соллаллоҳу алайҳи васалламни туки йўқ кавуш кийганларини ва унда таҳорат олганларини кўриб, уни кийишни мен ҳам яхши кўрдим. Аммо сариқ рангга келадиган бўлсак, Расулуллоҳ соллаллоҳу алайҳи васалламни сариқ рангга бўяганларини кўрганман, шунинг учун у рангда бўяшни яхши кўраман. Эҳром ҳақида гапирадиган бўлсам, Расулуллоҳ соллаллоҳу алайҳи васалламни то уловлари силжимагунича эҳром боғлаганларини кўрмаганман", дедилар.

26 (000) 2811. Убайд ибн Журайж розияллоҳу анҳудан ривоят қилинади:
"Мен Абдуллоҳ ибн Умар ибн Хаттоб билан бирга ўн икки марта ҳаж ва умра қилдим. Ва у зотга: "Эй Абу Абдураҳмон яъни, Ибн Умар! Сизда тўрт хислатни кўрмоқдаман....., деб юқоридагидек давом эттирдилар.

27 (000) 2812. Ибн Умар розияллоҳу анҳудан ривоят қилинади:
"Расулуллоҳ соллаллоҳу алайҳи васаллам агар оёқларини (улов) узангига қўйсалар-у, уловлари тик туриб юришга шайланса, Зулҳулайфадан бошлаб эҳром боғлардилар".

28 (000) 2813. Ибн Умар розияллоҳу анҳудан ривоят қилинади:
«Набий соллаллоҳу алайҳи васалламнинг қачон туялари тик турганида, эҳром боғлардилар.

29 (000) 2814. Абдуллоҳ ибн Умар розияллоҳу анҳудан ривоят қилинади:
«Расулуллоҳ соллаллоҳу алайҳи васалламни Зулҳулайфада уловларига миниб, сўнгра то уловлари текис бўлганида, эҳром боғлардилар".