116 (1048) 2412. Анас розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
Агар одам боласининг икки водий мол-дунёси бўлса, учинчи водийни талаб қилади. Одам боласининг қорни фақат тупроққа тўлади. Аллоҳ тавба қилувчиларнинг тавбасини қабул қилади.

000 (000) 2413. Анас ибн Молик розияллоҳу анҳудан ривоят қилинади:
Бу зот: "Расулуллоҳ соллаллоҳу алайҳи васалламга юқоридагидек нарса нозил қилиндими ёки ўзлари айтаётган нарсами? билмайман", дедилар.

117 (000) 2414. Анас ибн Молик розияллоҳу анҳудан ривоят қилинади:
Расулуллоҳ соллаллоҳу алайҳи васаллам: "Агар одам боласининг бир водий олтини бўлса бошқа бир водий олтин бўлишини яхши кўради. Унинг оғзи фақат тупроққа тўлади. Аллоҳ тавба қилган кишининг тавбасини қабул қилади", дедилар.

118 (1049) 2415. Ибн Аббос розияллоҳу анҳудан ривоят қилинади:
Расулуллоҳ соллаллоҳу алайҳи васаллам: "Агар одам боласининг тўла водий мол-дунёси бўлса унинг учун яна шу каби мол-дунё бўлишини яхши кўради. Одам боласининг нафси фақат тупроққа тўлади. Аллоҳ тавба қилган кишининг тавбасини қабул қилади", дедилар.
Ибн Аббос: "У Қуръонданми? Ёки йўқми?" билмайман", дедилар.
Зуҳайрнинг ривоятларида: "Қуръонданми эканини билмайман", дедилар Лекин Ибн Аббосни зикр қилмадилар.

119 (1050) 2416. Абу Ҳарб ибн Абуласвад оталари розияллоҳу анҳудан ривоят қиладилар:
"Абу Мусо ал-Ашъарий Басра аҳлининг қориларига (бу зотни) юбордилар. У зотнинг ҳузурларига Қуръон ўқийдиган уч юз киши кирди. Бу зот: "Сизлар Басра аҳлининг яхшилари ва қориларисиз. Ундан тиловат қилаверинглар. Аммо ўқиш муддатининг орасини узоқ қилиб, худди сиздан олдингилар қалби қотганидек қотиб қолмасин. Бизлар бир сурани ўқир эдик. Унинг узунлиги ва шиддатини бароат сурасига ўхшатар эдик. У мендан унуттирилди. Лекин мен ундан баъзиларини ёд олганман. "Агар одам боласида икки водий мол-дунёси бўлса, учинчи водийни талаб қилади. Одам боласининг қорни фақат тупроққа тўяди". Бизлар бир сура ўқир эдик. Уни "Саббиҳисма" билан бошланган сураларнинг бирига ўхшатар эдик. У ҳам мендан унуттирилди. Лекин мен ундан баъзиларини ёд олганман. "Эй мўминлар, нима учун бажара олмаган нарсангизни айтасиз. Агар бажармасангиз, бўйинларингизга унинг шаҳодати ёзиб қўйилади. Қиёмат куни ундан сўраласиз", дедилар.