(...) Умму Саламадан (р.а.) ривоят қилинади:
“Расулуллоҳ (с.а.в.): Бирор мусулмон борки, унга мусибат етганида Аллоҳ буюрганидек: "Инна лиллаҳи ва инна илайҳи рожиъун. Аллоҳумма ажирний фий мусийбатий вахлуфний хойран минҳа", яъни "Аллоҳим мусибатимда менга ажр бериб, ундан яхшисини ўринбосар қил", деса, Аллоҳ ўша мусибатлардан яхшироғини ато қилади", дедилар. (Эрим) Абу Салама вафот этганида мен ўзимга-ўзим: "Қайси мусулмон Абу Саламадан яхши бўлсин. Ахир у Расулуллоҳ (с.а.в.)га ҳижрат қилган биринчи хонадон бўлса", дедимда, ушбу дуони ўқийвердим. Аллоҳ менга (эримни ўрнига, ундан улуғроқ бўлган) Расулуллоҳ (с.а.в.)ни ўринбосар қилди. Расулуллоҳ (с.а.в.) Ҳотиб ибн Балтаъани совчи қилиб юбордилар. Мен совчига: "Бир қизим бўлса, кейин рашқчи аёл бўлсам", дедим. Расулуллоҳ (с.а.в.): "Қизини дуо қиламиз, Аллоҳ уни Ўзи беҳожат қилади. Аллоҳга дуо қиламиз, ундаги рашкни кетказади", дедилар.

(...) Умму Саламадан (р.а.) ривоят қилинади:
“Расулуллоҳ (с.а.в.): "Бирор бандага Аллоҳ мусибат бериб: "Инна лиллаҳи ва инна илайҳи рожиъун. Аллоҳумма ажирний фий мусийбатий вахлуф лий хойрон минҳа", деса Аллоҳ унинг мусибатида ажр бериб, унданда яхшисини ўринбосар қилади", дедилар. Қачонки (эрим) Абу Салама вафот этганида, Расулуллоҳ (с.а.в.) буюрганларидек, ҳалиги сўзларни айтдим. Аллоҳ менга эримдан яхшироқ зот Расулуллоҳни насиб этди”.

(...) Умму Саламадан (р.а.) ривоят қилинади:
“Расулуллоҳ (с.а.в.) юқоридагидек айтган сўзларини эшитдим. Қачонки (эрим) Абу Салама вафот этганида, Расулуллоҳ (с.а.в.)нинг сафдошлари Абу Саламадан ким яхши бўла олар эди, дедим. Сўнгра Аллоҳ менга қасд берган эди, у сўзларни айтдим. Бас Расулуллоҳ (с.а.в.)га турмушга чиқдим.