(858) 28. Жобир ибн Абдуллоҳдан (р.а.) ривоят қилинади. Бизлар Расулуллоҳ (с.а.в.) билан бирга намоз ўқир эдик. Сўнгра қайтиб (сув чиқарадиган) туяларимизни дам олдирар эдик, дедилар.
Ҳасан айтадилар. Мен Жаъфарга: "Бу қайси соат? Яъни намоз десам, у киши: "Қуёш завол бўлгандаги", дедилар.

(…) 29. Жаъфар оталаридан (р.а.) ривоят қиладилар. Бу киши Жобир ибн Абдуллоҳдан: "Расулуллоҳ (с.а.в.) жумани қачон ўқирдилар", деб сўраганларида, у зот: "Расулуллоҳ (с.а.в.) жумани ўқирдилар кейин биз туяларимиз олдига бориб, уларни дам олдирар эдик", дедилар.
Абдуллоҳ ҳадисларида зиёда қилиб: "Ўша дам олдириш қуёш заволга кетганида", дедилар.

(859) 30. Саҳлдан (р.а.) ривоят қилинади. Бизлар тушки дам олиш қайлулани ҳам, тушлик овқатни ҳам жумадан кейин амалга оширар эдик.
Ибн Ҳужр: "Яъни Расулуллоҳ (с.а.в.) замоналарида" сўзини зиёда қилдилар.

(860) 31. Иёс ибн Салама ибн Акваъ оталаридан (р.а.) ривоят қиладилар. Бизлар Қуёш заволга кетганида Расулуллоҳ (с.а.в.) билан бирга жумани ўқиб, сўнгра соя қидирар эдик.

(…) 32. Иёс ибн Салама ибн Акваъ оталаридан ривоят қиладилар. Бизлар Расулуллоҳ (с.а.в.) билан бирга жумани ўқирдик-да, қайтиб келиб, деворлар атрофига сояланиш учун соя топа олмас эдик.