(855) 19. Абу Ҳурайрадан (р.а.) ривоят қилинади. Расулуллоҳ (с.а.в.): "Бизлар охирги (келган уммат)миз, Қиёмат куни эса аввалгилармиз, уларга аввал китоб берилиб, бизларга кейин берилган бўлса ҳам. Сўнгра бу кунни Аллоҳ бизга (қадрлашни) ёзиб, Аллоҳ бизларни унга ҳидоят қилган. Одамлар бизга ана шу кунда тобеъдирлар. Яҳудийлар эртага яъни, шанба ва насоролар эртадан кейин яъни, якшанба", дедилар.
Бу ерда юқоридаги ҳадис такрор келган.

(…) 20. Абу Ҳурайрадан (р.а.) ривоят қилинади. Расулуллоҳ (с.а.в.): "Бизлар охирги (уммат)миз, Қиёмат куни эса аввалгилармиз, уларга биздан аввал китоб берилиши ва бизлар улардан кейин келишимизга қарамасдан, биз аввал жаннатга кирамиз. Улар ихтилоф қилишди. Аллоҳ улар ихтилоф қилишган нарсада бизни ҳақга ҳидоят қилди. Улар ана ўша (жума) кунида ихтилоф қилишди. Аллоҳ бизни жума кунига ҳидоят қилди. Бу кунни (қадрлаш) биз учун лозим. Эртаси яъни, шанба яҳудийлар учун, эртадан кейин яъни, якшанба насоролар учундир", дедилар.

(…) 21. Абу Ҳурайра (р.а.) Муҳаммад расулуллоҳдан ривоят қиладилар.
Расулуллоҳ (с.а.в.): "Бизлар охирги келган умматмиз-у, Қиёмат кунида эса аввалгилармиз. Лекин бошқа умматларга биздан олдин китоб берилган бўлса ҳам. Бизлар улардан кейин келган бўлсак ҳам. Мана шу жума куни (улуғлаб қадрлаш) уларга фарз қилинган эди. Аммо улар у кун хусусида ихтилоф қилишди. Аллоҳ у кунга бизни ҳидоят қилди. Улар бизга у кунда тобеъдирлар. Яҳудийлар эртага яъни, шанба ҳамда насоролар эса эртадан кейин яъни, якшанба куни тобеъдирлар", деб айтдилар.

(856) 22. Рибъий ибн Ҳирош ва Ҳузайфалардан (р.а.) ривоят қилинади.
Расулуллоҳ (с.а.в.): "Аллоҳ биздан олдингиларни жума куни (ҳидоят топишда) адаштириб қўйди. Яҳудийлар учун шанба куни, насороларга эса якшанба куни (улуғлаш) белгиланди. Аллоҳ бизни жума кунига ҳидоят қилди. Демак жума, шанба, якшанбани барпо қилди. (Яъни тартибни аввалига жумани қўйди). Шунингдек улар бизга Қиёмат куни ҳам тобеъдирлар. Бизлар дунё аҳлининг охири бўлишимизга қарамасдан қиёмат куни аввалгилармиз. Халойиқдан олдин (мусулмонлар жаннатга кириш учун) уларга ҳукм ўқилади", дедилар.
Восилнинг ривоятида: "Мусулмонлар орасида ҳукм ўқилади", бўлиб келган.

(…) 83. Ҳузайфадан (р.а.) ривоят қилинади. Расулуллоҳ (с.а.в.): "Бизлар жума кунига ҳидоят қилиндик. Биздан олдингиларни эса Аллоҳ адаштирди", деб юқоридаги ҳадисдек давом эттирдилар.