Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам икки куннинг: Азҳо ва Фитр куни рўзасидан наҳйи қилдилар».
Бухорий, Муслим, Абу Довуд, Термизий, Насаий

Нубайша ал-Ҳузамий розияллоҳу анҳудан ривоят қилинади:
«Набий соллаллоҳу алайҳи васаллам:
«Ташриқ кунлари еб-ичиш ва Аллоҳнинг зикри кунларидир», дедилар».
Аҳмад ва Муслим ривоят қилишган.

Уқба ибн Омир розияллоҳу анҳудан ривоят қилинади:
«Набий соллаллоҳу алайҳи васаллам:
«Арафа куни, қурбонлик куни ва ташриқ кунлари биз аҳли Исломнинг байрамимиздир. У кунлар еб-ичиш кунларидир», дедилар».
Сунан эгалари ривоят қилишган.