84. Оиша розияллоҳу анҳодан ривоят қилинади:

«Абу Бакр розияллоҳу анҳу бир куни:

«Аллоҳга қасам! Ер юзида мен учун Умардан муҳбуброқ одам йўқ!» деди.

Кейин чиқиб, қайтиб кирди ва:

«Қандай қасам ичдим? Ҳой қизим!» деди.

Мен айтганини сўзладим. Шунда у:

«Мен учун азизроқ! Бола қалбга яқинроқ бўлади», деди».

85. Ибн Абу Нўъмдан ривоят қилинади:

«Бир киши Ибн Умардан, чивиннинг қони ҳақида сўраганига гувоҳ бўлдим. Шунда Ибн Умар ундан:

«Сен кимдансан?» деб сўради.

«Ироқ аҳлидан», деди.

«Манавунга назар солинглар! Мендан чивиннинг қони ҳақида сўрамоқда! Ҳолбуки, ўзлари Расулуллоҳ соллаллоҳу алайҳи васалламнинг ўғлини қатл қилганлар! Набий соллаллоҳу алайҳи васалламнинг «икковлари дунёдаги райҳонларим!» деганларини эшитганман!» деди».