5. Абу Ҳурайра розияллоҳу анҳудан ривоят қилинади:

«Эй Аллоҳнинг расули, кимга яхшилик қилай?» дейилди.

«Онангга», дедилар.

«Сўнгра кимга?» деди.

«Онангга», дедилар.

«Сўнгра кимга?» деди.

«Онангга», дедилар.

«Сўнгра кимга?» деди.

«Отангга», дедилар».

6. Абу Ҳурайрадан ривоят қилинади:

«Бир одам келиб, Набий соллаллоҳу алайҳи васалламга:

«Менга нима амр қиласиз?» деди.

«Онангга яхшилик қил», дедилар.

У саволини қайтарди.

«Онангга яхшилик қил», дедилар.

У саволини яна қайтарди.

«Онангга яхшилик қил», дедилар.

У тўртинчи марта қайтарганда:

«Отангга яхшилик қил», дедилар».