1106. Абдуллоҳ ибн Умар розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Яҳудийлардан бирортаси сизга салом берса «Ас-Сому алайка» дейди. Бас, сизлар «Ва алайка» денглар», дедилар».
1107. Ибн Аббос розияллоҳу анҳудан ривоят қилинади:
«Яҳудий бўладими, насроний бўладими, мажусий бўладими, салом берса, алик олинг, чунки Аллоҳ «Қачонки сизга бир саломлашиш ила салом берилса, сиз ундан кўра яхшироқ алик олинг ёки худди ўзидек жавоб беринг», деган».
|