1086. Муҳаммад ибн Мункадир розияллоҳу анҳудан ривоят қилинади:

«Жобирнинг шундай деганини эшитдим: «Мен Набий соллаллоҳу алайҳи васалламнинг ҳузурларига отамнинг қарзи ҳақида бордим. Бориб, эшикни қоқдим.

«Ким бу?» дедилар.

«Мен», дедим.

«Мен. Мен», дедилар. Худди  ёқмагандек».

1087. Абдуллоҳ ибн Бурайда розияллоҳу анҳу оталаридан ривоят қиладилар:

«Набий соллаллоҳу алайҳи васаллам масжидга чиқдилар. Абу Мусо қироат қиларди.

«Бу ким?» дедилар.

«Мен Бурайдаман, сизга фидо бўлай», дедим.

«Манавунга Оли Довуднинг мизморларидан бири берилган-да» дедилар».