1065. Убайд ибн Умайрдан ривоят қилинади:

«Абу Мусо Ашъарий Умар ибн Хаттобнинг ҳузурига киришга изн сўради. У изн бермади. Машғул бўлса керак. Абу Мусо қайтиб кетди. Умар бўшади ва:

«Абдуллоҳ ибн Қайснинг овозини эшитгандай бўлдимми? Изн беринглар, кирсин!» деди.

«У қайтиб кетди», дейилди.

Умар уни чақиртирди ва у келиб:

«Биз шунга буюрилганмиз», деди.

Шунда Умар:

«Менга бу гапга ҳужжат келтирасан!» деди.

Абу Мусо ансорийларнинг мажлисига бориб, ёрдам сўради. Улар:

«Бунна бизнинг энг кичигимиз Абу Саъийд Худрий сенинг фойдангга гувоҳлик беради», дейишди.

Абу Мусо ёш Абу Саъийдни олиб қайтди.

Бас, Умар: «Расулуллоҳ соллаллоҳу алайҳи васалламнинг ишларидан менга махфий қолгани бор экан-ку! Бозорма-бозор юраверибман», деди. Яъни, тижорат билан машғул бўлиб дегани».