1063. Атодан ривоят қилинади:

«Ибн Аббосдан:

«Синглимдан ҳам изн сўрайманми?» деб сўрадим.

«Ҳа» деди.

«Қарамоғимда икки синглим бор, уларнинг таъминоти ва нафақаси зиммамда. Иккисидан изн сўрайманми?» дея қайта сўрадим.

«Ҳа! Ёки уларни кийимсиз ҳолатда кўрмоқчимисан?» деди ва қироат қилди:

«Эй иймон келтирганлар! Қўлингизда мулк бўлганлар ва ўзингиздан балоғатга етмаганлар сиздан уч вақтда изн сўрасинлар: бомдод намозидан олдин, пешинда кийимларингизни ечадиган пайтингизда ва хуфтон намозидан сўнг. (Ушбу) уч вақт сиз учун авратдир».

Уларга фақат ушбу уч авратда изн сўрашга амр қилинганлар, холос, деди ва қироат қилди:

«Қачон сизнинг ёш болаларингиз балоғатга етсалар, улардан олдингилар изн сўраганидек, изн сўрасинлар».