1006. Исҳоқ ибн Абдуллоҳ ибн Абу Толҳадан ривоят қилинади:
«Туфайл ибн Убай ибн Каъб хабар берди. У Абдуллоҳ ибн Умарнинг ҳузурига борар ва бирга бозорга чиқар эди.
«Қачон бозорга чиқсак, Абдуллоҳ ибн Умар увадачининг олдидан ўтса ҳам, савдогар ёки мискиннинг, хуллас кимнинг олдидан ўтса, албатта, салом берар эди.
Туфайл айтади:
«Бир куни Абдуллоҳ ибн Умарнинг олдига бордим. Бас, у мендан ўзига эргашиб бозорга боришимни сўради. Мен:
«Бозорда нима қиласиз? Савдонинг олдида тўхтайсиз, савдо молининг нархини сўраб ҳам қўймайсиз, савдолашмайсиз ҳам. Бозорнинг бирор мажлисида ўтирмайсиз ҳам. Шу ерда гаплашиб ўтира қолайлик», дедим.
Шунда Абдуллоҳ менга:
«Ҳой Қоринбой! (Туфайлнинг қорни катта эди) Биз у ерга ўзимизга йўлиққанларга салом бергани борамиз», деди».
|