896. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Албатта, карийм ибн карийм ибн карийм ибн карийм Юсуф ибн Яъқуб ибн Исҳоқ ибн Иброҳим», дедилар».

897. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Албатта, қиёмат кунидаги дўстларим муттақийлардир. Агар насаб насабдан яқин бўлса ҳам. Одамлар ҳузуримга амаллар ила келганларида Сизлар бўйнингизда дунёни кўтариб келиб, «Ё Муҳаммад!» деманглар. Мен «Йўқ! Йўқ!» демайин» деб бир йўла ўгирилиб олдилар».

898. Ибн Аббос розияллоҳу анҳумадан ривоят қилинади:

«Эй одамлар! Биз сизларни бир эркак ва аёлдан яратдик ва сизларни ўзаро танишишингиз учун халқлар ва қабилалар қилиб қўйдик. Албатта, Аллоҳнинг ҳузурида энг ҳурматлигингиз энг тақводорингиздир» деган оятга амал қиладиган бирорта кишини кўрмаяпман.

Бир киши бошқа кишига, мен сендан ҳурматлироқман дейди. Биров бошқасидан фақат Аллоҳга бўлган тақвоси ила ҳурматлироқ бўлади».

899. Ибн Аббос розияллоҳу анҳумадан р-и:

«Сизлар карамни нима деб ҳисоблайсиз? Аллоҳ карамни баён қилган. Аллоҳнинг ҳузурида энг карамлигингиз  тақводорингиздир. Сизлар ҳасабни нима деб ҳисоблайсиз? Ҳасаби афзалингиз, ҳулқи афзалингиздир».