722. Икрима розияллоҳу анҳудан ривоят қилинади:
«Ибн Аббос момоқалдироқ овозини эшитганда: «Бу тасбеҳ айтаёган Зот пок бўлди. Момоқалдироқ фариштадир. У чўпон овози билан қўйларни ҳайдагани каби булутларни ҳайдаб туради», дер эди».
«Ва момақалдироқ Унинг ҳамди ила тасбиҳ айтадир ва фаришталар ҳам Ундан қўрққанларидан (ҳамду тасбиҳ айтурлар). У чақмоқларни юборадир ва улар ила хоҳлаган одамларини, улар Аллоҳ ҳақида талашиб турганларида, урадир. У қаттиқ ушлайдиган зотдир».
723. Абдуллоҳ ибн Зубайрдан ривоят қилинади:
«Абдуллоҳ ибн Зубайр момоқалдироқ овозини эшитганда гапдан тўхтаб «Момоқалдироқ ҳамду сано айтаётган ва малоикалар қўрқиб, тасбеҳ айтиб турган Зот покдур» дер ва: «Албатта, бу ер аҳли учун қаттиқ огоҳлантиришдир», дер эди».
|