Дуога солиҳ амални васийла қилиш.

Дуони умумий қилиш.

Дуода ҳаддан ошиш.

Ривоят қилинган ва қилинмаган нарсаларла дуо қилиш.

Намоздаги дуо.

Аҳли фазллардан дуо сўраш.

605. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Албатта, карим ибн карим ибн карим ибн карим Юсуф ибн Яъқуб ибн Исҳоқ ибн Иброҳим Халийлур Роҳман таборака ва таолодир.

Агар мен Юсуф қамалиб турган муддатча қамалиб турган бўлсам ва чорловчи келса, албатта қабул қилар эдим.

У эса хабарчи келганда: «Хўжанг ҳузурига қайтиб бор ва ундан қўлларини кесган хотинларнинг ҳоли нима бўлганини сўра», деди.

Лутга Аллоҳнинг раҳмати бўлсин. У сал бўлмаса, мустаҳкам ерга беркинар эди. У ўзқавмига: «Қани энди сизларга қувватим етса эди ёки мустаҳкам ерга беркинсайдим», деди.

Аллоҳ ундан кейин қай бир набийни юборган бўлса, албатта ўз қавмидан бўлган ҳимоя ила юборди», дедилар».