442. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Албатта, Аллоҳ сизларга уч нарсани рози бўлади ва уч нарсага ғазаб қилади.

Унинг Ўзигагина ибодат қилиб, ҳеч нарсани Унга ширк келтирмаслигингизга ва Аллоҳнинг арқонини маҳкам тутишингизга ҳамда Аллоҳ ишингизга валий-бошлиқ қилиб қўйганларга насиҳатлашишингиза рози бўлади.

Сизларга деди-дедини, кўп саволни ва молни зое қилишни ёқтирмайди», дедилар».

5. «Мусулмонларнинг оммаси учун».

443. Ибн Аббос розияллоҳу анҳудан ривоят қилинади:

«У киши Аллоҳ азза ва жалланинг: «Ҳар бир инфоқ қилган нарсангизнинг ўрнини У тўлдирур. У зот ризқ бергувчиларнинг яхшисидир», ояти ҳақида: «исроф ҳам, мумсиклик ҳам қилмасдан», деган».